خمسة بخمسة

خمسة بخمسة ...دي احسن طريقه عشان نعرف احنا ماشين ازاي..عم رمضان كان مبسوط مننا قوي قبل رمضان الكل متحمس للطاعة والاخلاص في العبادات وبعد ان انقضى 5 ايام من عمر الشهر الفضيل يتساءل عم رمضان عملتوا ايه ياشباب ..ايه المحصلة قراءة القرآن انا عارف ممكن تكون في الجزء ال 27 يعني كلها ساعات بسيطة وتختم الختمة الاولى ممتاز جدا طيب يا بطل عملت ايه لجيرانك قابلت مين فيهم وساعدت مين في السوق وانت بتشترى الخضار لماما وطبطبت على كتف كام مسكين في الحته عندكم ولا الحته بتاعتكم اسبيشيل مافيهاش مساكين طيب وبعدين حتعمل ايه لازم تدور لك على كام مسكين ...ايوه لازم تجتهد وتحسن في العطاء طيب اصدقائك اللي كانوا زعلانين منك قبل رمضان يا هلترى صالحتهم واسرتك ..هل كل خلافاتك معهم اوكى مفيش مشاكل المهم يا عم الحلو قبل ما اليوم الخامس يخلص تقعد بينك وبين نفسك يا جميل وتحاسب نفسك وتسجل كل شئ في الجمجمة بتاعتك عشان ال5 ايام اللي جايين لها حسبة تانيةعايزين احسن وهكذا عشان انا مش عايز ازعل منكم بس قاعدين تقول الشهر المبرووك اهو انا جيت وبين ايديكم الشاطر اللي يلحق ...فات 5 ايام شوف في خانة التصالح لسه حد زعلان منك..وخانة صلة الرحم وخانة حقوق الجار خبطت على باب بيته ودوقته طبيخ بيتكم طبق صغير شوية محشي ورق عنب على ريشيتن بتلو مع صحن سلطة صغير مع ابتسامة جميله..خانة الصلاة انا عارف ان شاء الله انت موجود في الصف الاول في المسجد حتى كوكى ونور البنتين الحلوين اللي معانا لو فيه فرصة يروحوا المسجد انا عارف حيروحوا ...خانة قراءة القرآن زي ما قولنا انت في الجزء ال 27
طيب مش حنتحاسب جامد في ال5 ايام دول بس ال5 اللي بعدهم حازعل قوي لو ما اشتغلناش صح...صوموا تصحوا

كلامك جميل يا سبعاوي ومشاركة موفقة وأتمني إن عزيمتنا لا تفتر وإن صوم رمضان يحسن مننا وتتعكس فوايد العبادات اللي بنؤديها علي معاملاتنا مع الناس لأنه فعلا الدين المعاملة مش بس صلاة وصوم وسيدنا محمد بيقول : " من لم يدع قول الزور والعمل به فليس لله حاجة أن يدع طعامه وشرابه " . كمان بتمني إننا نستمر علي أداء العبادات لأن الإستمرارية من عدمها بتبقي علامة علي قبول الأعمال

عموما علامة قبول الصوم وقبول الطاعات فى رمضان من صلاة وصدقة وغيرهم هى الثبوت بعد رمضان لو الشخص ترك هذة الاشياء بعد رمضان تاكد انك لم تفعل هذة الطاعات من قلبك وعلامة قبول دعائك وصيامك وقيامك وغيرها هى الثبوت بعد رمضان

شكرا سبعاوى

الى اهلي الاعزاء في المنتدي كل عام وانتم بخير
والي الحاجة نور ...شكرا على الشعور الطيب وبعدين موضوع الجزء ال 27 ده كناية على الاجتهاد في العبادة وليس بالضرورة اكون انا او غيري قد فعلها ولكنها تشير الى الاجتهاد في زيادة الرصيد ويا حبذا ان تكون كل الارصدة في ازدياد خاصة ارصدة التعامل مع الاخرين وتطبيق منهج مكارم الاخلاق
تحياتي الى الجميع الاستاذ ميم جمال والاستاذ التمساح

النهارده اليوم الحادي عشر من رمضان..يعني فات خمستين منه واحنا اتفقنا حنعمل كشف حساب خمسة بخمسة ..فقط اردت ان اذكركم واعلم تماما ان اموركم بفضل الله تسير على قدم وساق وان وان صندوق الطاعات اصبح مليئا بأعمال الخير وربنا يتقيل من الجميع موعدنا بعد 4 ايام