| | نكت مصريه |  |
|
|
| كاتب الموضوع | رسالة |
|---|
nour
Admin
عدد المساهمات : 1097
تاريخ التسجيل : 28/06/2009
 | موضوع: نكت مصريه  الإثنين نوفمبر 09, 2009 12:51 pm | |
| رجل مسيحي دخل مسجد في مصر و معاه سكين و قال: مين فيكم مسلم ؟
محّدش رد عليه إلا واحد شجاع قاله: أنا مسلم
اخذه برا المسجد و قاله: عندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ
دخل المسيحي المسجد و السكين كلها دم من الخروف و قال: مين مسلم كمان؟
اشروا المصلين على الإمام
رد الإمام عليهم: ' في إيه ؟ هو عشان صليت فيكم ركعتين بقيت مسلم خلاص
مره اتنين مجانين اتفقوا انهم يهربوا من المستشفى
واحد قال للتانى لو لاقينا الصور عالى هنهده لو لاقيناه واطى هنط من فوقيه
التانى قاله ماشى راحوا مالاقوش صور خالص قالوا يخساره المهمه فشلت
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين ...
حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟ | |
|
 | |
م. جمال
مشرف
عدد المساهمات : 349
تاريخ التسجيل : 22/08/2009
العمر : 40
| | موضوع: رد: نكت مصريه الإثنين نوفمبر 09, 2009 3:39 pm | |
| - nour كتب:
- رجل مسيحي دخل مسجد في مصر و معاه سكين و قال: مين فيكم مسلم ؟
محّدش رد عليه إلا واحد شجاع قاله: أنا مسلم
اخذه برا المسجد و قاله: عندي خروف عاوزك تدبحه و تسلخه على ا لطريقه الإسلاميه
قال المسلم: أنا اعرف أدبح بس شوف حد تاني يسلخ
دخل المسيحي المسجد و السكين كلها دم من الخروف و قال: مين مسلم كمان؟
اشروا المصلين على الإمام
رد الإمام عليهم: ' في إيه ؟ هو عشان صليت فيكم ركعتين بقيت مسلم خلاص
هههههههههههههههههه
هههههههههههههههه
هههههههههههههههه
جميلة جدا | |
|
| | |
sab3awi
مشرف
عدد المساهمات : 609
تاريخ التسجيل : 06/07/2009
| | موضوع: بطة وسكر ومسامير الأربعاء نوفمبر 11, 2009 2:30 pm | |
| خفة دم الشعب المصري يعمل نكتة جميلة من 3 كلمات
بطة وسكر ومسامير!!!!والله نكته جميلة وزي السكر | |
|
| | |
sab3awi
مشرف
عدد المساهمات : 609
تاريخ التسجيل : 06/07/2009
| | موضوع: الصعايدة اجدع ناس الخميس نوفمبر 12, 2009 8:12 am | |
|
ومع ذلك الصعايدة أجدع ناس
صعيدي اشترى بي إم دبليو بمواصفات خاصة ، فيها الكمبيوتر يصلح كل شيء من غير ما يروح التوكيل!
حب الصعيدي يجربها فكسر الباب اللي ع اليمين، فرد الكمبيوتر: يا أيها الباب ارجع كما كنت ، فرجع الباب ، وكسر الباب اللي ع الشمال، فرد الكمبيوتر يا أيها الباب ارجع كما كنت!!!
عجبته الحكاية قام جربها وطار من فوق الكوبري!!
فرد الكمبيوتر: يا أيتها النفس المطمئنة ارجعي إلى ربك راضية مرضية
*********
صعايده سمعوا عن اختراع أسمه السيفون حبوا يعرفوا هو إيه بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش.
*********
صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه .
*********
صعيدي راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده .
*********
صعيدي عمل عمليه نجحت عملها تانى.
*********
صعيدي قال لأبوه أنا عاوز موبايل قاللوا هادبهولك بس تركب أخواتك معاك.
*********
صعيدي بيعمل كشف نظر طلع نظره 6/6 فصاحبه بيقوله مش كده تمام قاله
أنا كنت ممكن أجيب أكتر من كده بس الدكتور اللي لخبطني .
*********
صعيدى دخل راسه فى قفص الاسد الحارس قاله انت بتعمل ايه يا بويا
قاله يا عم ما تخافش واحنا هناكله .
*********
صعيدى عرف ان الجلد موضة مشى عريان .
*********
صعيدى و صاحبه قاعدين عالقهوة بقالهم يجى ساعة ده يقوله دش والتانى يقوله لع ده دبش يقوله لع دش يقوله وانى بجولك دبش
صاحب القهوة نادى عالصبى قاله روح يابنى شيل الشطرنج ده من ادامهم.
*********
10 صعايده بيتعلموا ربط الكرافتة 6 ماتوا و 4 في حاله حرجه.
*********
الصعايده فتحوا محل بيتزا سموه بيتزا هعععععععععع .
*********
صعيدي مات خبي على أهله .
*********
صعيدي حب واحده أتجوز أختها علشان يضمن يشوفها كل يوم .
*********
صعيدى بيقول لصاحبه .. بالي مشغول من امبارح يا هريدى قاله يبجى اكيد حد رافع السماعه .
*********
صعيدى لقى كنز قال يابوى لسه هدور عالخريطة .
*********
صعيدى طلع رحلةو قعد جنب السواق ، فالسواق نزل استراحة ورجع لقى الفتيس مش موجود قالوا الفتيس راح فين ... قالوا لجيتك طول الطريق عمال تشد فيه مش عارف تخلعه جولت اشلهولك .
*********
واحد بلدياتنا دخل حمام افرنجي اخد معاه مترجم.
*********
صعيدى واقف قدامه خمس شياطين واحد يوسوسله و اربعه يفهموه .
*********
اربع صعايدة راحو يلعبو بلياردو، واحد منهم وقف فوق الطرابيزة وقال لهم انا الجوووون.
*********
صعيدي ابنه بيقوله بكره عيد الحب يابا قاله : يوووه ايه الورطة دى! وده صلاته ازاي .
*********
صعايده بيلعبوا شطرنج الملك مات مشلول .
*********
بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .
*********
مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين .
*********
صعيدي أشترى تاكسي كل لما حد يقوله تاكسي يقوله أيوه تاكسي.
*********
صعيدي بيسأل صاحبه بيقوله إيه رأيك في تجارة المخدرات قاله تجارة عين شمس أحسن .
*********
صعايده بلعبوا على قهوة واحد قال كش ملك والتاني قال دبش والثالث راح واخد الكوتشينة وماشى .
*********
واحد صعيدي حب يعمل روش كتب على الشومة أديداس .
*********
واحد صعيدي ماشي في الشارع لقى قشرة موز ... قال ييييه حتزحلق تاني.
*********
واحد صعيدي بيدهن الحيطة ....قالوله حط جرنال تحتيك ..قالهم لأ أنا كده طايل كويس .
*********
صعيدي وقع في حفرة حدفوله حبل طلع مشنوق .
*********
صعيدي بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه .
*********
صعيدي راح أمريكا لقى الناس لابسين تي شيرتات مكتوب عليها بيبسى وكوكاكولا لما رجع البلد كتب على التي شيرت بتاعه عصير جصب.
*********
الأمريكان والروس بيترسموا على بعض الأمريكان يقولوا أحنا أول ناس طلعنا القمر ، والروس يقولوا لا أحنا أول ناس طلعنا القمر .. صعيدي كان واقف أضايق أوى ، قالهم أنتوا لما طلعتوا القمر لقيتوا هناك إيه قالوله طوب ورمل وزلط ، قالهم أحنا اللي مطالعينه.
*********
صعيدي عايز يروح حفله تنكريه بعت أخوه.
*********
صعيدي جاى ينزل من باب العربية لقي الدنيا بتمطر راح نازل من الباب التاني .
*********
صعيدي دق في سدر أبنه مسمار عشان يعلقله البزازه .
*********
صعيدي أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة .
*********
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"
*********
الواد: بتعمل اية يابا؟؟
ابوه: بكتب جواب لعمك .
الواد: هو انت بتعرف تكتب؟؟
ابوه: يعني هو عمك اللي بيعرف يقرا يا فالح .
********* |
| |
|
| | |
dr hani helal
مشرف
عدد المساهمات : 153
تاريخ التسجيل : 13/07/2009
| | موضوع: نكت الخميس نوفمبر 12, 2009 11:19 am | |
| تسلم ايدك يا استاذ سبعاوى | |
|
| | |
nour
Admin
عدد المساهمات : 1097
تاريخ التسجيل : 28/06/2009
| | موضوع: رد: نكت مصريه الخميس نوفمبر 12, 2009 11:52 am | |
| - م. جمال كتب:
هههههههههههههههههه
هههههههههههههههه
هههههههههههههههه
جميلة جدا
دم وسكين يبقى من خاف سلم  | |
|
| | |
nour
Admin
عدد المساهمات : 1097
تاريخ التسجيل : 28/06/2009
| | موضوع: رد: نكت مصريه الخميس نوفمبر 12, 2009 11:58 am | |
| - sab3awi كتب:
خفة دم الشعب المصري يعمل نكتة جميلة من 3 كلمات
بطة وسكر ومسامير!!!!والله نكته جميلة وزي السكر
   خفة الدم المصرية محدش يقدر ينكرها ومفيش زيها المهم اننا بنعمل من مشاكلنا واحزنا نكت ونقول شر البلية مايضحك المهم اننا نخفف على انفسنا نورتنا يا استاذ سبعاوى | |
|
| | |
nour
Admin
عدد المساهمات : 1097
تاريخ التسجيل : 28/06/2009
| | موضوع: رد: نكت مصريه الخميس نوفمبر 12, 2009 12:06 pm | |
| - sab3awi كتب:
ومع ذلك الصعايدة أجدع ناس
********* |
مع الاعتذار للصاعيدة اللى مفيش اختلاف على انهم احسن ناس ومن الصعيد خرج كثير من علماء مصر النكت جميلة استاذ سبعاوى تسلم ايدك بس كده هتزعل مننا الاعضاء   | |
|
| | |
sab3awi
مشرف
عدد المساهمات : 609
تاريخ التسجيل : 06/07/2009
| | موضوع: الصعايدة اجدع ناس الجمعة نوفمبر 13, 2009 3:30 am | |
| ان شاء الله مفيش زعل ولا حاجة
وعلى حد علمى هو فيه المهندس جمال مهندس اتصالات من المنيا والمنيا دي من اول الصعيد
يعني مش من الصعيد الجواني
اما انا لا اخفيكم سراً ان زوجتي من الصعيد الجواني واعيش في خطر طول الوقت وقد ورثت ابنتي الصغيرة عن امها صعيديتها ان صح التعبير وهي تدرس في مدرسة انترناشونال وذات يوم الحت على بالنداء
داد ..داد..فقلت لها نعم ...قالت داد داد عبد المودود دادالله
رغم انها امها مش من البلد اللي بتقول على الجيم دال ..لأ دي من البلد اللي دنبها
تحياتي لحبايبنا ولاد بلدنا اللي شرفونا من اهل الصعيد
من الساسة والمفكرين والعلماء والادباء والقادة العسكريين
ولاعبي منتخب مصر الحلوين
اللي بفضل الله وبفضل دعواتكم ربنا حيرفع رأسنا بكره ونكسب الجزائر 4 \ صفر
قولوا امين..قولوا امين | |
|
| | |
KHALED
عضو جديد
عدد المساهمات : 2
تاريخ التسجيل : 13/11/2009
| | موضوع: رد: نكت مصريه السبت نوفمبر 14, 2009 7:23 am | |
| بصراحة نكت جميلة ودمها خفيف - بس انا احب ااقول ان النكت متهيألي حرام لانها غالبا بتبقى مش حقيقة ومش صدق واعتقد انها لو ما كانتشي حرام على الاقل من مواضع الشبهات .
وكمان بتبقى تريقة على خلق الله زي الصعايدة (اللي انا منهم) والبورسعيدية والدمايطة والطنطاوية وكدة يعني .
وارجو ان ما حدش يزعل من اول مشاركة لي في المنتدى الجميل دة.
وكل سنة وانتو طيبين | |
|
| | |
dr hani helal
مشرف
عدد المساهمات : 153
تاريخ التسجيل : 13/07/2009
| | موضوع: نكت مصريه السبت نوفمبر 14, 2009 7:46 am | |
| ضحكتنى كتير استاذ سبعاوى
وعلى فكره انا تعاملت مع اهل الصعيد ومش هلاقى كلام كويس يوصفهم وكرمه جداا جدا سواء فى الخارج او جوه مصر
واهلا بالاستاذ خالد ضيف جديد علينا | |
|
| | |
sab3awi
مشرف
عدد المساهمات : 609
تاريخ التسجيل : 06/07/2009
| | موضوع: اهلا بالاستاذ خالد الأحد نوفمبر 15, 2009 1:08 pm | |
| يا ميت مرحبا بالدكتور هاني هلال واشكره على استحسانه للكلمتين اللي كتبتهم
ويا ميت مرحبا بالاستاذ خالد واهلا به عضواً في منتدانا الصغير المملوء بالحب
ونحن عندما نذكر النكت نمر عليها مر الكرام ولا نجعلها الا لتذويب الجليد الذي ربما يخيم على صفحات المنتدي وسرعان ما نعود الى حالتنا الطبيعية
عموما مفيش في الدنيا اجدع من الصعايدة
وقد سمعت عن صعيدي شهم كان يعمل في ايطاليا مع عصابات المافيا
رجع الى مصر ومعه واحد ايطالي طيب حبتين
وفي محطة القطر في سوهاج اخذ مكتب وعلق يافطة مطلوب شباب حلوين للعمل في المافيا
جاله طوابير طويلة اخذ يقابل كل على حده
الاول اسمك ايه..؟؟ يقول له ماعرفش ..بتعمل ايه؟؟ما فهمش يقول له ناجح ادخل
واستمر الحال على كده ما عرفش مافهمش يقول له ناجح
بيسأل واحد ..اسمك ايه؟؟قال له بسطاوي ابو سلطان المعلا
قام صاحبنا مسك الطبنجة وضرب رصاصة بين عينيه فصرعه قتيلاً
سأله الايطالي اللي معاه ..هواي يو كل هم ؟؟؟
قال له صاحبنا ..هي نوز تو ماتش !!!! | |
|
| | |
nour
Admin
عدد المساهمات : 1097
تاريخ التسجيل : 28/06/2009
| |
| | |
| | نكت مصريه | |
|
