حسبة برمة

خلاص
غلب حمارنا
اتفضلي الحقينا بالحل

حلها بسيط جدا

ممكن نجيب الرقم بطريقتين واحدة أخدناها في رابعة ابتدائي

وواحدة أخدناها في تانية إعدادي

الطريقة الأولي

بتجيبي جدول الضرب بتاع 7 وتقعدي تجربي لحد ما تلاقي الرقم دي طريقة سهلة جدا بس عايزة

حد يكون حافظ جدول الضرب زي اسمه فا باستخدام الطريقة دي بعد نص دقيقة بالكتشير

هتعرفي إن الرقم هو 119

الطريقة التانية

صعبة شوية وفكرتها إنك بتعملي أكتر من معادلة في مجهولين وتقعدي تعوضي هي طريقة

طويل شوية يعني بعد 5 دقايق هتعرفي إن الرقم برضه 119

تالت حاجة نسيت أقولها إن المسألة دي لها عدد لا نهائي من الحلول

فعلا الاجابة 119 وليها اكتر من طريقة للوصول للحل كل الحكاية انه هيكون عدد يقبل القسمة على 7 بدون باقى
و بعدين نطرح منه 5 يبقى الناتج يقبل القسمة على 6
و هكذا و هكذا
لغاية ما نوصل اننا لو طرح منه 1 يكون الباقى يقبل القسمة على 2
يبقى الحل 119




طريقه اخرى عن طريق ايجاد القاسم المشترك الاضغر للاعداد 2 , 3 , 4 , 5 , 6 والي هوا 60 وطبعا ننقص منه 1 لان كل عدد لما نقسمه يبقى رقم اصغر من الي بعده بواحد يعني لو قلنا 59 بس برضو مش هتقبل القسمه على 7 يعني نضاعف القاسم المشترك الاصغر ونخليه 120 ونطرح منه 1 يبقى 119 وهوا دا الي يقبل القسمه على 7

عموما برما قريه محترمة تقع عالطريق السريع بين طنطا والاسكندرية وهي قريبة جداً من طنطا ويشتهر اهلها بتربية الكتاكيت وطبعا الكتاكيت يصعب عدها نظراً لكثرتهم بسم الله ماشاء الله مع سرعة حركتهم
وكنا نشتري الكتاكيت من الباعة الجائلين اللي معظمهم من برما وكانوا شطار جداً في حساب عدد الكتاكيت والفلوس ايضاً ...الله يرحم ايام زمان كانت كلها خير ونماءفكانت الفراخ تأكل من فضلات طعام اهل المنزل وكانت تعطينا البيض البلدي اللذيذ وكل اسبوع جوز فراخ بلدي من اللي قلبك يحبه هذا بالاضافة الى تكوين وجدان الاطفال والكبار ايضاً خاصة عندما كنا نسمع آذان الديك في الصباح
وقد قال الثعلب بلسان شوقي
فاطلبوا الديك يؤذن ...لصلاة الصبح فينا
وقال الشاعر قديماً
ربابة رب البيت ..تصب الخل في الزيت
لها عشر دجاجات ...وديك حسن الصوت

جميلة اوى اضافتك يا استاذ سبعاوى

جزاكم الله خيرا على الاضافات التى دئما تثرى المواضيع وتزيد من قيمتها

اشكرك على الاهتمام بالقراءة والمتابعة السريعة