م. جمال
مشرف
عدد المساهمات : 349
تاريخ التسجيل : 22/08/2009
العمر : 40
 | موضوع: الدعاء علي كل مستفز  الخميس أغسطس 27, 2009 6:20 am | |
| هنا الدعاء على كل مستفز بيخرج الناس على شعورها في رمضان
كتب: أشرف توفيق
يارب اللى استفز حد في رمضان.. يكون تليفونه بايظ من زمان ومايشتغلش إلا الشهر ده بعد ما ولاد المفترية زودوا الفواتير وقيمة الاشتراك
يارب اللى استفز حد في رمضان.. يشوف الإعلان بتاع وقفة مصرية يفضل واقف ومحدش يقف معاه.. يبقى على كوبرى قصر النيل شايف الأسدين قاعدين وهوه واقف زى عود القصب
يارب اللى استفز حد في رمضان .. أبوه يفصل الدش .. وبتاع الوصلة يشيلها عشان مادفعوش فلوس الشهر.. ومايبقاش قدامه إلا تامر أمين فى البيت بيتك وجلسات مجلس الشعب
يارب اللى استفز حد في رمضان.. يدخل انتخابات نادى الزمالك عشان مرتضى منصور يجيب ملف اسود بعمايله من ايام ما اتولد
يارب اللى استفزت حد في رمضان.. يكتشفوا انها ساقطة ثانوية عامة فيرجعوها ثانوية تانى وتيجى صورتها فى تقرير العاشرة مساءا بعد امتحان الفيزيا وهيه ماسكة الموبايل وبتعيط وبتقول لمامتها : ده ذنب أشرف ياماما .. عاااااااا
يارب اللى استفز حد في رمضان.. أجيله أنا فى الأحلام كده وتبقى أحلام من نوعية أحلام فيلم معالى الوزير .. ومايعرفش ينام إلا ف مكانين .. الحمام أو قدام قصر الرئاسة عشان يتبوأ فى أمريكا اللاتينية بقى
يارب اللى استفز حد في رمضان.. يحلم وهوه نايم بكل الوزرا واحد واحد .. وكل واحد منهم بيضربه على قفاه .. ولما قفاه يورم وييجى يقوم مفزوع .. أطلع له أنا بقى على باب الحلم وأقول له: ارجع يامعفن .. لسة رئيس الوزرا
يارب اللى استفز حد في رمضان.. ابوه يسافر ويضطر باعتبار انه راجل البيت انه هوه يقوم الصبح يقف فى طابور العيش .. أنا عارف انه عقاب صعب بس هوه يستاهل يعنى
يارب اللى استفز حد في رمضان.. يجيله دور برد جامد .. تبقى فتحة من مناخيره فيها زكام.. والتانية بتسيـّل يعنى.. ويقعد بقى يتنطط عشان مش ملاحق لا شهيق ولا زفير.. بتبقى حركة صعبة بصراحة
يارب اللى استفز حد في رمضان.. ييجى يدفع فاتورة التليفون يكتشف انه عليه فاتورة 300 جنيه دولى وهوه أصلا مش مركّب دولى
يارب اللى استفز حد في رمضان .. ييجى يصب الدور التانى يكتشف ان ناقص سيخ حديد.. يروح فى طابور الحديد عشان يجيب سيخ .. يكتشف ان كل الحديد فى السوق السودا وسعره 8 تلاف جنيه.. يرجع محسور ويعيط .. ييجى ابوه يلومه ويقول له: لو كنت محترم ومسرقتش حاجة من أشرف .. كان ربنا رزقك بسيخ .. روح يا سيخ ربنا ياخدك
يارب اللى استفز حد في رمضان ..يبقى من ضمن الخمسة مليون شاب اللى كل شهر بييجى خبر تعيينهم فى الأهرام الصفحة الأولى ولا عمرهم شافوا تعيين..المفروض ان حكومتنا عينت مليار شاب دلوقتى.. باعتبار ان حكومتنا بتعين شباب الصين
يارب الجرنال اللىنزل خبر مضروب و قلق الناس.. يكتشفوا انه قال على الوزرا انهم بيدخلوا الحمام زى البشر العاديين .. فيترفع على الجرنال قضية سب وقذف بعنوان " قضية حمامات الوزرا" زى صحة الرئيس كده
يارب الصحفى اللى فبرك اخبار.. تدور الأيام عشان حظه النحس ويشتغل مع محمود صبري او كمال محمود و يشوفهم كل يوم.. يللا بقى
يارب البرنامج اللى شغال بنظام ولعها ولها شعللها شعللها.. كل المعدين والمقدمين يحصل لهم زى حسين رياض فى رد قلبى .. لما اتخرس عشان أبو إنجى مش عايز يجوزها لابن الجناينى.. ويطلعوا بقى فى البرامج كلها يقولوا : هـَبا هـَبا .. ويبقى إعلان القناة : قناة الخـُرْس الفضائية ترحب بكم
يارب المنتدى اللي بيسمح بقلة الأدب و عدم احترام المنافس.. كل أعضاؤه ينسوا الباسوورد فجأة.. والسيرفر يقع.. والاسم يتسرق.. والدنيا كلها تتقلب..ومتبقاش فيه حاجة عدلة.. زى فيلم حين ميسرة | |
|
nour
Admin
عدد المساهمات : 1097
تاريخ التسجيل : 28/06/2009
| | موضوع: رد: الدعاء علي كل مستفز الأربعاء سبتمبر 02, 2009 4:12 pm | |
| - اقتباس :
- يارب اللى استفز حد في رمضان.. يدخل انتخابات نادى الزمالك عشان مرتضى منصور يجيب ملف اسود بعمايله من ايام ما اتولد
حقد الاهلاوية بيبان حتى فى النكت - اقتباس :
- يارب اللى استفز حد في رمضان ..يبقى من ضمن الخمسة مليون شاب اللى كل شهر بييجى خبر تعيينهم فى الأهرام الصفحة الأولى ولا عمرهم شافوا تعيين..المفروض ان حكومتنا عينت مليار شاب دلوقتى.. باعتبار ان حكومتنا بتعين شباب الصين
ههههههههههههههههههه - اقتباس :
- يارب اللى استفز حد في رمضان.. يحلم وهوه نايم بكل الوزرا واحد واحد .. وكل واحد منهم بيضربه على قفاه .. ولما قفاه يورم وييجى يقوم مفزوع .. أطلع له أنا بقى على باب الحلم وأقول له: ارجع يامعفن .. لسة رئيس الوزرا
دا الكابوس المرعب جميلة ويارب الاخ اللى قاعد يندب حظة وحظ الشعب المصرى ربنا يهديه ويبطل دعاء على الناس ويدعليهم تسلم ايدك م.جمال | |
|
م. جمال
مشرف
عدد المساهمات : 349
تاريخ التسجيل : 22/08/2009
العمر : 40
| | موضوع: رد: الدعاء علي كل مستفز الخميس سبتمبر 03, 2009 11:11 am | |
| [quote="nour"] - اقتباس :
- يارب اللى استفز حد في رمضان.. يدخل انتخابات نادى الزمالك عشان مرتضى منصور يجيب ملف اسود بعمايله من ايام ما اتولد
حقد الاهلاوية بيبان حتى فى النكت [quote] [center]  هههههههههههههههه
يقول الإمام الغزالى رحمه الله : "الحاقد ساقط الهمة , ضعيف النفس , واهن العزم , كليل اليد" . واحنا والحمد لله بنشجع أرجل رجالة فى الوسط الرياضى المصرى ناس مش بتهمد رجالة بجد يمتازوا بعلو الهمة وثبات العزيمة
والإصرار على تحقيق السعادة لمشجعيهم مش زي ناس تانيين بيلعبو علي سطر ويسيبو سطر ويقولو علي نفسهم فن وهندسة وناس تانية مش بتلعب غير ماتشات الأهلى بس وبيقولو على نفسهم البرازيل.
شكرا على مشاركتك وأتمنى أن يرفع الله عنكم البلاء ويصبركم على لعيبتكم  | |
|
justcool
مشرف
عدد المساهمات : 130
تاريخ التسجيل : 22/07/2009
العمر : 37
الموقع : هيكون فين يعني
| | موضوع: رد: الدعاء علي كل مستفز الأربعاء سبتمبر 09, 2009 2:16 pm | |
| | |
|
