اعلم ان للصمت صوت

من واحنا صغيرين واحنا بيقولولنا فى المدرسة ان العين علشان نشوف بيها وان اللسان علشان نتكلم بيه والايد علشان نشيل بيها ونكتب بيها والودن علشان نسمع بيها

لكن تعرفوا ان الايد ليها استخدام تانى واحنا منعرفهوش
تعرفوا ان احنا ممكن نتكلم بايدينا
ده انت كمان ممكن تعبر عن مشاعرك وكل الى ييجى فى بالك برضه بايدك
وممكن تعمل مناقشة كاملة بايدك

مستغربين .....لا متستغربوش اوى كدة انا حفهمكوا ازاى
بس الاْول لازم اسالكوا سؤال عمركوا قبل كدة شفتوا حد بيتكلم بايده مش قصدى بيحرك ايده وهو بيتكلم ببقه لا انا اقصد اعتماده الكلى على ايده ؟؟؟
مشفتوش صح او يمكن ماخدتوش بالكوا

لا هى فعلا" ماخدتوش بالكوا علشان احنا الناس دى حوالينا فى كل حتة
الناس دول هما الصم هما الى ربنا لحكمة منه بقم مبيتكلموش بلسانهم وبيتكلموا باشارات ايديهم ومبيسمعوش

وللاسف لجهل مننا اخواتنا الصم بقم عايشين وسطينا فى غربة علشان ملقوش فينا القلب الى يتفتحلهم والعقل الى يقدر انهم زينا زيهم مش اقل مننا فى حاجة
لما يمشوا فى الشارع ويساْلوا حد على حاجة مبيلقوش حد يرد عليهم
علشان كدة فىكتير منهم بقم عايشين فى غربة وسط اهلهم ووسط جيرانهم
منهم بداْوا يفقدوا الثقة فى مجتمعهم الى حاسين فيه بالتجاهل

هما اكيد لو يقدروا يتكلموا بلغتنا كانوا اتكلموا بس هما ميقدروش لحكمة ربنا
بس احنا اكيد نقدر نتكلم لغتهم نقدر نرجع الثقة الى فقدوها فينا لما بيلاقونا عايشين وسطيهم وبايدينا بنبعدهم عننا

عارفين ازاى ؟؟؟

فى جروب فكر يعمل حاجة لربنا
ولما الجروب ده سأل نفسه
نعمل إية لربنا يفرح بينا
والرسول يوم القيامة يتشرف بينا ويفتخر بينا

إزاي نتقربله بعمل ممكن يفيدنا ويفيد حد معانا
ويكون ليه تأثير علي المجتمع

؟؟؟

قولنا نتقرب لله ونشتغل عنده في الحاجة اللي بنفهم فيها

ألا وهي

الصم وضعاف السمع

الجروب ده جروب من إسكندرية
بيشتغل مع الصم من 5 سنوات

أي نعم مش كتير بالنسبة لناس تانين

ولكن الصم بقت رسالته... قضيته في الحياة

وعلشان كده قالوا مش حننتمي لجمعية بعينها

ولكن ... حنشتغل مع كل الجمعيات
علشان نشتغل مع كل الصم

أي نعم هما من إسكندرية

ولكن الجروب إن شاء الله حيكون علي مستوى الجمهورية
مؤقتاًً
لأن حلمهم هو ... الوطن العربي

وإبتدوا بالفعل يفعلوا الجروب في القاهرة

تحت إشرافهم

لأنهم محددين أهداف محدده
قريبة ... متوسطة .. بعيدة

ودارسين كويس اوي هما عايزين إية ؟ وحيعملوا إية

وأولاً وأخيراً الله المستعان

وفى كورس اشارات حيبداْ بعد العيد ان شاء الله لو عايز تشترك املاْ استمارة التطوع من اللينك ده
http://www.gulfup.com/do.php?id=24546
http://www.7meel.com/dldPiA58138.doc.html

وده لينك الجروب ادخلوشوف بنفسك
https://www.facebook.com/inbox/?ref=mb#/group.php?gid=89178183963

Admin عدد المساهمات : 1097 تاريخ التسجيل : 28/06/2009

وبارك الله فى عمل كل من شارك فى المشروع وجعلة الله فى ميزان حسناته
جميل اوى اننا نساعد ذوى الاحتياجات الخاصة ونرفع من معنوياتهم وياريت يكون الاهتمام على مستوى الدولة وميكونش على مستوى اشخاص وبدل ميكون الفرد المعوق حمل على الدولة يكون عضو فعال منتج لان فعلا بيكون جواهم امكانيات كتير كامنة وجبارة لكن محتاجين اللى يخرجها واللى يديهم امل فى الحياة ويحسسهم انهم مش اقل من اى حد