لو كان فى موبايل ايام زمان؟

لو كان فى موبايل فى افلام الستينات واللى قبلها؟؟؟
مساء الفل يا جماعه


تفتكروا لو كان فى موبايلات فى افلام الستينات وما بعدها كانت الاحداث هتتغير ازاى ؟؟؟؟

او لو الافلام دى اتعملت اليومين دولون كانت هتبقى ازااااااااااى ؟؟؟


نعتبرها لعبه اوكيه

وانا هبدأ


يعنى مثلا لو كان فى موبايلات فى وقت الفيلم بتاع على السيد احمد ابراهيم القائم بدير النحاس لا تشرب هذا الدواء . الدواء فيه سم قاتل

ابسط حاجه كانوا جابوا رقموا واتصلوا بيه على موبايله بدل الشحططه والراديو

ولو بقى اتعمل فى وقتنا الحالى هيبقى الحوار كالتالى

الصيدلانى : الو .. الباش مهندس احمد ابراهيم معايا

احمد : ايوه مين ؟

الصيدلانى : ايه يانجم عمالين نتصل بيك بقالنا كتييير مكونتش بترد خير يا ريس.

احمد : لا والله بس كنت ع النت بدونلود شويه حاجات.. بس ماقولتليش انت مين ياغالى

الصيدلانى : والله انا مش هضحك عليك البت سوكا بنتك كانت لسه عندى هنا من نصايه والواد المسطول اللى عندى اداها ازازه اسيتون بدل الدوا فكنت بتصل اشهيصك وارسيك على حوار انك متضربش الدوا ده علشان متهبأش من الدنيا

احمد : اصلى .. اصلى يا مان انا هتطر اقلب بقى علشان معايا الو ع الويتنج بيس ؟

الصيدلانى : بيس .. يلا تك كير



*********************

الاول ميرسى ليكى يا نور على المرور بالموضوع
اقولك على حاجه
اللغات اللى فى مصر دلوقتى 3
اللغه العاميه
والفرانك اراب ع النت
ولغه الشباب

ربنا يخليكى

شكرا ليك يا استاذ سبعاوى
بس هى اكيد الهجايص دى الحاجات التافهه
وعلى فكره المفردات اللى بيستخدموها اسمها سيم
يعنى مثلا
لو كنت شوفت فيلم ظرف طارق
كانو بيقولو ع الحشيش كابتشينو
ههههههههه