ماذا يحدث ..عقولنا في غيبوبة

صادف انه بعد خروج حبيبنا المهندس جمال من غيبوبته بأمر الله وبفضله ان دخل شعبنا الحبيب ايضاً في غيبوبة طويلة
وخرج عن الشعور وهو يناقش اسباب غضب الجزائريين مننا
هم بيكرهونا ليه؟؟؟
الشارع المصري كله بدا ساخطاً على قادته المتخاذلين في الرد على قادة الجزائر وحانق على من فرطوا في فرصة التأهل للمونديال من الاساس نغط في نوم عميق اشبه بالغيبوبة ونفتقد كل اساليب التخطيط التي كان يعلمها يقيناً رجل الشارع العادي فمنذ مباراة الجزائر الاولى وحادث التسمم المتعمد لحسن شحاته تمنيت ان يكون لدينا جهاز مخابرات يعمل من اجل الفريق ومعهم ايضاً طبيب نفساني ومشرف تغذية وطباخين والعجيب اننا سخرنا من ان الجزائريين عند حضورهم لمصر احضروا من يغسل لهم الاطباق توهمنا عندما سمعنا ان الحزب حيطلع 2000 مشجع الى السودان انهم سيكونون قوات خاصة وان الحزب ورجال الاعمال سيوفودون رابطة مشجعي النوادي المصري الاسماعيلي المحلة الاهلي الزمالك ويطعموا بنوعيات شرسة لا علاقة لها بكرة القدم فقد تشجع من اول الماتش لاخره
دون متابعة الماتش وما اكثرهم من احياءنا الشعبية الشرابية والوايلي والبصراوي والزلزال ومربع الصراصير وبوابة جهنم كانوا ولعوا الماتش انما الحزب ارسل فافي ومامي وسوسو ولولو حاطين احمر شفايف وكعب عالى

فعلا هم يتملقون رجل لجنة السياسات فعندما يظهر فالصورة يجب ان تكون جميلة حضارية ...مش بيئة!!!!!

والان لماذا نحن في غيبوبة؟؟؟؟ والان لماذا هم يكرهوننا؟؟؟؟
اللي يعرف يبقى يقابلني

برضه وجهة نظر
خلاص زي ما تشوفي
انقلي الموضوع حتى لو في ارض محايدة

بس انت عايزة مين بقى ان شاء الله اللي يحارب في غزة؟

اقتباس :

بس انت عايزة مين بقى ان شاء الله اللي يحارب في غزة؟

لما شوفت الماتش فى القاهرة وكمية الشباب وهتافهم وزائيرهم اللى يرعب فكرت وقولت لو الشباب ده خرج ووصل لغزة من غير سلاح هيلقى الرعب فى اسرائيل بكل عدتها وعتادها

مجرد تفكير امنية مش مهم الاسم

المهم اننا نستغل الطاقة دى فى شئ مفيد بدل هدمها فى لعبة

سؤال كويس جدا وأعتقد إننا ممكن نستخلص أو نلاقي له إجابه لو رجعنا لما فعله معاوية ابن أبي سفيان رضي الله عنه مع أهل مكة بعد ما تولي حكم المسلمين وحب إنه يمنعهم من متابعة ومعارضة سياسته واللي كان من أهم أهدافها توريث الحكم لابنه يزيد مخالفا بذلك إتفاقه مع سيدنا الحسن بن علي رضي الله عنهما فأغدق عليهم الأموال القادمة من الفتوحات الإسلامية وبكده ألهاهم بالترف وانعكس ذلك علي أشعارهم وأغراضها حتي بقي الغزل الفاضح من أهم أغراض شعراء مكة والمدينة وبكده قدر يصرف إهتماماتهم ويشغلهم فكرهم عن اللي كان عايز يعمله
ودلوقتي نلاقي الزمن بيعيد نفسه ونلاقي المجموعة الحاكمة عايزة تلهي الشعب عن اللي بيعملوه وعن اللي بيحصل في البلد وفيه مشروع توريث فا بيسخروا كل إمكانياتهم عشان يتنفذ ودول مش هيقدروا يغنو الشعب زي سيدنا معاوية ما عمل فا بيلهوهم بالكورة شويا ومشكلة مرتضي منصور مع شوبير شويا وكده يعني
تاني سبب هو إن الناس بتتمني تشوف أي حاجة كويسة في البلد أي حاجة تفرحهم يحسو معاها بالسعادة ولو كانت لحظية سعادة كده زي مسكن الآلام بعد فترة بيظهر الألم مرة تانية
أما موضوع الشباب اللي هيحرر الأقصي فا دي أمنية كلنا بنتمناها وبنحلم بيها وإن كنت شايف إن ده مستحيل تحققيقه في الوقت ده لأسباب كتيرة ومش لازم أكمل عشان الناس القريبين مني نصحوني بعدم الإنفعال
يا ريت فعلا ربنا يهدي الناس اللي فوق ويحاولو يتعلمو من سيدنا معاوية كل حاجة ويحاولو زي ما بتقول نور يستغلو الشباب المتحمس لعمل شئ يسعدنا سعادة حقيقية
شكرا ليك يا أستاذ سبعاوي علي موضوعك وربنا يحقق آمالك يا نور

الاخ جمال ..ممتاز الربط بين موضوعنا واسلوب معاوية بن ابي سفيان في السيطرة على الرعايا ومشاكلنا الان تحتاج الى دهاء معاوية وتسلط الحجاج وصبر ايوب وخاتم سليمان ومال قارون ..نحن نعترف بذلك ولذلك من يعتلي الكرسي لازم يكون انسان امين على الشعب مش امين على لجنة السياسات وللاسف السنوات الخمسة عشر الماضية حدث تفريغ للقياديين المعارضين ومن يتربي في احضانهم من الشباب السياسيين فأصبحنا نرى فراغاً كبيراً في الساحة السياسية وجعلونا معه لا نصدق ان احداً سيملأ الكرسي وبالتالي اخذونا رويداً رويداً الى فكرة ليس في الامكان ابدع مما كان
وللاسف كانت مباريات المنتخب سبباً للتقرب الى الشعب وتبديل الصورة السيئة عن الاسرة الحاكمة وجشعها وطمعها الى صورة مصرية اصيلة حاولوا بها السيطرة على الناس والسؤال الان هل بلع الشعب الساذج الطعم ام هم فعلا طيبون!!!! الله اعلم.