المتقيين
من أطلق الرصاص على محسن بتاع الفول؟؟ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا من أطلق الرصاص على محسن بتاع الفول؟؟ 829894
ادارة المنتدي من أطلق الرصاص على محسن بتاع الفول؟؟ 103798
المتقيين
من أطلق الرصاص على محسن بتاع الفول؟؟ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا من أطلق الرصاص على محسن بتاع الفول؟؟ 829894
ادارة المنتدي من أطلق الرصاص على محسن بتاع الفول؟؟ 103798
المتقيين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المتقيين

منتديات عامة اسلاميه ثقافيه طبيه ترفيهيه شاملة بوابتك لعالم من التميز والابداع
 
الرئيسيةأحدث الصورالتسجيلدخول

 

 من أطلق الرصاص على محسن بتاع الفول؟؟

اذهب الى الأسفل 
4 مشترك
كاتب الموضوعرسالة
التمساح


من أطلق الرصاص على محسن بتاع الفول؟؟ Stars4



عدد المساهمات : 206
تاريخ التسجيل : 30/06/2009

من أطلق الرصاص على محسن بتاع الفول؟؟ Empty
مُساهمةموضوع: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالخميس يوليو 02, 2009 7:39 am

أنا عايز أعرف بقى فيه كام واحد غَني في مصر؟؟
لا حضرتك.. مش الغِنَى العادي بتاع شغلة محترمة وعربية فيات وشقة تمليك بطلوع الروح.. أنا اقصد الغِنَى الفاحش بتاع القصور والعربيات اللي اربعة في اربعة يساوي ستاشر وحمامات السباحة والبودي جاردز اللى الواحد فيهم عضلة دِراعُه أتخَن من بطني لما آكل مَحشي
*******
كام واحد غَنِى في مصر بقى؟؟
حضرتك السؤال ده منطقي جدا بعد الوجبة الدسمة من شلل الاطفال اللي شفناها في مسلسلات رمضان.. والحمد لله كلنا ختمناها وشدِّينا حيلنا كمان في العشر الأواخر
أنا ماشفتش ولا مسلسل بصراحة إلا أول يوم رمضان عشان كنت في بيتنا.. المهم خير اللهم اجعله خير المسلسلات كلها عبارة عن عربيات شيروكي وبودي جاردز وحمامات سباحة ومجوهرات ودهب وياقوت واحمدك يارب
والخلافات كلها ازاي الملياردير ده زعَّل الملياردير التاني.. فالملياردير التانى خسَّر الأولاني كام مليار.. وبعدين اتصالحوا في الآخر وكل ملياردير باس الملياردير التاني من بُقُّه والمسلسل خلص زى الفل
والأخت نادية الجندي.. أخت إيه؟؟؟ نينة نادية الجندي صحفية شريفة أي وعهد الله وبتدافع عن الأخلاق وبتجري ورا الخبر والمستندات والصحف كلها واقفة على رِجْل
أيوة حضرتك فين الكلام ده بقى؟؟ صحفية إيه اللي بتلفّ وتتعب وتتنكَّر وتتقتَل وتتخطَف عشان خبر ولاّ قضية فساد؟؟؟
كنتوا اكتبوا في تِتْر المسلسل بقى هذه الأحداث لا تمت للواقع بصلة وأي تشابه في أرض الواقع يبقى انتوا اللي هُبْل
كلنا عارفين ان الصحافة كلها سبُّوبَة.. من أتخَن مؤيِّد لأتخَن مُعارِض.. وعدوّ النهاردة حبيب بُكرة.. مادام مرتب رئيس التحرير المعارض بيعَدِّي 35 ألف جنيه شهرياً ده غير نِسْبته من الإعلانات تبقى الحياة زي الفل ومفيش مشاكل ولا فساد
*******
فكَّروني برضُه بأفلام خالد يوسف الأخيرة.. الأبطال كلهم أغنيا بالصلا ع النبي.. حتى البواب عنده هيونداي على قَدُّه.. ورايحين يتفسحوا في شاليه أي واحد فيهم ما كلهم عندهم شاليهات صلوا ع النبي وبعدين مالقوش حاجة يعملوها ولا يفكروا فيها قالوا يللاّ نلعب ويجا.. طب بالله عليكم حدّ كِدَه يقعد جنب موظف راجع من شغله في المترو .. ويقول له: لو سمحت ممكن نلعب ويجا مع بعضينا؟؟؟ الاحتمال الوحيد انه هيلعب صلَّح على قفاك
ولاّ العلاقات بين الجنسين.. دي بقى عايزة قعدة.. أي حد مذكر بيروح بيت أي حد مؤنث..والحد المؤنث عايش في بيت أي حد مذكر.. وطلع بالشيفروليه واحنا قاعدين.. وحَمِّل ع الشيفروليه واحنا قاعدين
في فيلم وسط البلد محمد نجاتي بيقول لهند صبري تعالي معايا الشقة.. هند صبري بكل براءة وطُهْر قالت له: مفيش مشكلة.. أنا اعرف ان الواحدة تروح شقة الواحد تشرب شاي .. تقعد تتكلم شوية.. بس المشكلة ان الناس ممكن يفهموها غلط
طبْ حدّ يجيب كوباية عصير قصب بقى للراجل اللي اتجنَّن ده يااخوانا اللى هوَّه أنا
يعنى الواحدة تروح شقَّة الواحد تشرب شاي.. اتمَنَع الشاي من البلد ما عدا في شقة المحروس؟؟ وانا اللي عامل فيها مابحبِّش الشاي وعُمري ما شربتُه.. دا انا من بكرة هاشترى مخزون شهر من الشاي من جميع الأنواع
*******
فين المسلسلات بتاعتنا احنا؟؟
احنا مش بنشوف الحاجات اللي بتحصل دى ياجدعان.. حد منكم شاف قصور وبودي جاردز وعربيات زي اللى بيحصل مع ابطال المسلسلات دي؟؟
واحدّ منكم شاف التحرُّر الرهيب ده بين أي بنت وولد في الحياة.. وان البنت تروح له البيت عادي؟؟ وبلاش نتكلم اكتر من كده عشان أنا حاطط وشِّي في الأرض دلوقتي
ولو موجود يبقى كام في المِيَّة من سكان مصر المحروسة؟؟
يعنى مش عيب تبقى كل مسلسلات وأفلام مصر عن ناس احنا مانعرفهمش.. أو حتى عن نسبة لا تتجاوز واحد في المية من سكان بلدنا الحبيبة بتاعة مشربتش من نيلها؟؟
حد هيقول ده حسد؟؟ اقول له أيون حضرتك.. حسد وحقد وغلّ وكُرْه ومقت ونفسَنَة وما خَفِيَ كان أعظم
فين عربية الفول وساندوتش الكبدة اللي برُبْع جنيه وتذكرة المترو والأتوبيسات الخنقة والموظفين الغلابة اللي فيه فتاوي قالت ان يجوز عليهم الزكاة.. والشباب اللي ع القهاوي؟
فين النت اللى عايزين يحدِّدوه زى النسل وفين مشاكل التأمينات والمعاشات؟
فين مشاكل الميَّة والزِّبالة اللي بقت على فواتير الكهربا ومش عارف إيه دخل الزبالة بالكهربا؟؟ جايز عشان اللى مايدفعش فاتورة الزبالة يكهربوه
فين مشكلة السَكَن والشباب اللي اتجوَّز على روحُه والبنات اللي بتشَمْشِم على عريس
*******
مش هيَّه دي مصر؟؟؟
ولاّ مصر شوية صفقات وقصور وعربيات وبنات ستايل في الجامعة بأحدث موبايلات؟؟
ولا يعني ده عشان نفضل نقول ياريتنا زيّهم.. ونفضفض عن نفسنا شوية
زي إعلانات السَمْنة.. الإعلان يجيب ألف صنف فراخ ولحمة وهُبَر هُبَر عشان يقنعك ان السَّمنة هيه السبب.. مع ان المشكلة مش في جَوْدة السَّمنة حضرتك.. المشكلة مين اللي هيجيب لك الأصناف دي؟؟ دي الفرخة عندنا بتتقسم على أربع ليالي.. والشوربة بنشرب فيها أسبوع
وتلاقي الست الوالدة جايبة نفس نوع السَّمنة بس الفرخة مش زى اللي في التليفزيون
الفرخة بتاعتنا م الآخر هيه فرخة لينا بتاعة مسرحية المتزوجون
*******
دي مش حياتنا؟؟
يا جماعة يعني واحد زى اللي قتل أمه من كام شهر عشان مش راضية تدّيله تلاتة جنيه ..لو شاف مسلسل زي بتاع نينة نادية الجندى والعيلة كلها عندها عربيات.. يعمل إيه؟؟؟
طب صحافة إيه ولا طبّ إيه ولا شغلانة إيه عموما اللي تجيب الفلوس دي كلها؟؟؟ طب حضرتك هما خرِّيجين آداب إنجليزى مش تبع الشغلانات دي يعني؟؟
حتى في الروايات البوليسية تلاقي كلمة السرّ دايما حاجة مش بتاعتنا.. يقول لك مثلاً: الثلوج تذوب دائما في الصيف
يردّ عليه: ماعدا في القطب الشمالى
وانا مالي بالقطب الشمالي ولا الجنوبي؟؟
ليه مَتِبْقاش كلمة السر مثلا: موبينيل رخَّصِت كل كروت الشحن
يردّ عليه بفرحة: قُول وعَهد الله
فيغمِز له بعينه ويقول: بيقولوا الكارت بعَشْرة.. بس بيبيعُوه بِحْدَاشَر
الرجوع الى أعلى الصفحة اذهب الى الأسفل
nour
Admin
Admin



عدد المساهمات : 1097
تاريخ التسجيل : 28/06/2009

من أطلق الرصاص على محسن بتاع الفول؟؟ Empty
مُساهمةموضوع: رد: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالسبت يوليو 04, 2009 9:48 am


من أطلق الرصاص على محسن بتاع الفول؟؟ 637-GodBlessU-AbeerMahmoud



موضوع جميل جدا وفعلا لا يعكس واقع مجتمعنا المصرى بل يعكس الصورة المشوهه للواقع وللاسف دى الصورة اللى بتنطبع فى اذهان الاخرين عنا وخصوصا فى الدول الاخرى واكثر مايحزن هو تركيزهم على غير المحجبات وكان كل بنات مصر متبرجات فى حين ان 90 % من المصريات محجبات ولكن دى الصورة اللى بتوصل


اشكرا على الموضوع الرائع

من أطلق الرصاص على محسن بتاع الفول؟؟ 627-Donotstop-AbeerMahmoud


الرجوع الى أعلى الصفحة اذهب الى الأسفل
El-afghani


من أطلق الرصاص على محسن بتاع الفول؟؟ Stars16



عدد المساهمات : 15
تاريخ التسجيل : 17/08/2009

من أطلق الرصاص على محسن بتاع الفول؟؟ Empty
مُساهمةموضوع: رد: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالأربعاء أغسطس 19, 2009 4:05 pm

[b]بسم الله ما شاء الله ربنا يوفقك دايما والله نفس الكلام اللي بقوله لإخواتي المسلسلات اللي بتتعرض والأفلام دي مش لنا إحنا (95% من الشعب المصري) يا ريت كل واحد له إخوات صغيرين أو له تعامل مع شباب صغير يوعيهم ويفهمهم إن أغلب المواقف الموجودة في الأعمال دي لا تتوافق مع قيمنا الدينية وتعاليمنا مسلمين أو مسيحين
الرجوع الى أعلى الصفحة اذهب الى الأسفل
sab3awi
مشرف
مشرف



عدد المساهمات : 609
تاريخ التسجيل : 06/07/2009

من أطلق الرصاص على محسن بتاع الفول؟؟ Empty
مُساهمةموضوع: بصراحة هذا هو الموضوع المميز   من أطلق الرصاص على محسن بتاع الفول؟؟ I_icon_minitimeالجمعة أغسطس 21, 2009 2:19 am

شكرا جزيلا على هذا السرد السريع الموضح الموصل للفكرة بيفكرني بالكرة الانجليزية ايام زمان واحدة اتنين والثالثة في الجون ممتاز جدا ايها التمساح
الرجوع الى أعلى الصفحة اذهب الى الأسفل
التمساح


من أطلق الرصاص على محسن بتاع الفول؟؟ Stars4



عدد المساهمات : 206
تاريخ التسجيل : 30/06/2009

من أطلق الرصاص على محسن بتاع الفول؟؟ Empty
مُساهمةموضوع: رد: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالأحد أغسطس 23, 2009 9:30 am

هلت الانوار

شكرا نور على رايك
الرجوع الى أعلى الصفحة اذهب الى الأسفل
التمساح


من أطلق الرصاص على محسن بتاع الفول؟؟ Stars4



عدد المساهمات : 206
تاريخ التسجيل : 30/06/2009

من أطلق الرصاص على محسن بتاع الفول؟؟ Empty
مُساهمةموضوع: رد: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالأحد أغسطس 23, 2009 9:32 am

بسم الله

شكرا افغانى على مشاركتك
الرجوع الى أعلى الصفحة اذهب الى الأسفل
التمساح


من أطلق الرصاص على محسن بتاع الفول؟؟ Stars4



عدد المساهمات : 206
تاريخ التسجيل : 30/06/2009

من أطلق الرصاص على محسن بتاع الفول؟؟ Empty
مُساهمةموضوع: رد: من أطلق الرصاص على محسن بتاع الفول؟؟   من أطلق الرصاص على محسن بتاع الفول؟؟ I_icon_minitimeالأحد أغسطس 23, 2009 9:33 am

بسم الله

شكرا سبعاوىىىىىىىىىىى
الرجوع الى أعلى الصفحة اذهب الى الأسفل
 
من أطلق الرصاص على محسن بتاع الفول؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» الفول يجلب السعادة
» براوينز الجبن

صلاحيات هذا المنتدى:لاتستطيع الرد على المواضيع في هذا المنتدى
المتقيين :: المـنتديات العـامة :: منتدى الحوار والمناقشات-
انتقل الى: